Eðli, litir og tónar mismunandi gróðursamfélaga í umhverfinu rannsakaðir og skráðir. Litir og efniskennd í manngerðu umhverfi skoðaðir. Unnið með umhverfisteikningu, fjarvídd og skissuvinnu út frá ólíkum forsendum. Undirstöðuatriði litafræðinnar, með sérstakri áherslu á eðli vatnslita og möguleikum þeirra við skissuvinnu í hönnun. Stærð litaflata, afstaða og áhrif á upplifun í hönnunar hugmyndum. Ljósmynda og skissuverkefni sem tengjast náttúru- og umhverfisskoðun með hliðsjón af mismunandi lita forsendum, myndbyggingu, myndskurði og sjónarhorni. Í gegnum verkefnavinnu er unnið með sköpun og túlkun, á markvissan hátt til að dýpka skynjun og auka færni við greiningu og mat á sjónrænum viðfangsefnum.